जसपा युवा संघले शुरु गर्यो भोकालाइ भोजन तथा खाद्यान्न वितरण अभियान
जेष्ठ १६, २०७८, आइतवार
चिठी खबर
काठमाडौ ,१५ जेठ । जनता समाजबादी पार्टी (जसपा) निकट युवा संघले कोभिड १९ को दोस्रो लहरले अत्यन्तै असर पारेको गरिब तथा भोका मानिसहरुलाइ निशुल्क खाना तथा खाद्यान्न वितरण अभियान कार्यक्रम शुरु गरेको छ । अभियानको पहिलो दिन आज काठमाडौ जोरपाटी स्थित जम्बु डाडा, बौद्ध नयाबस्ती र गुहेश्वरिसम्म २५० जना भोकाहरुलाइ खाने कुरा खुवाएका छन । युवा संघले विशेष गरि शारीरिक अपाङ्ग भएका, परिवार विहिन,मजदुर, विद्यार्थी र लकडाउनका कारण आर्थिक अवस्था शून्य भै खानको निम्ति अभाव भएका वर्ग नै यस कार्यक्रमको लक्षित वर्ग हुने जानकारी दिएको छ । जसपा युवा संघका उपमहासचिव मुकेश प्रसाद कुशवाहाको अनुसार महामारीको समयमा खाद्यान्न जोहो गर्ने प्रवृतिको अन्त्य गर्ने उदेश्यले खाद्यान्न वितरण गर्नुको साटो भोजन नै तयारी गरेर वितरण गर्ने नीति संघले लिएको हो । खाना खानको निम्ति बाहिर निस्किन नसकिने बाध्यात्मक अवस्था सुत्केरी,खुट्टा तथा आँखा सम्बन्धि अपाङगहरु भोकै भएको खबर हामीलाई आएमा खाद्यान्न पनि वितरण गर्ने उनको भनाई छ । संघले सरकारी हस्पिटल, बसपार्क, इटाभट्ट लगायत औद्योगिक क्षेत्रमा सेवा पुर्याउने उद्देश्यले यो कार्यक्रम अघि बढेको जानकारी दिएको छ । संघले काठमाडौ जोरपाटी स्थित शेर्पा पार्टी प्यालेसमा खाना पकाउने र प्याक गर्ने कार्य हुने र उक्त अभियान आइतबार बिहान ११ बजे बाट सुरु भई निषेधाज्ञा अवधिभर जारी राख्ने जानकारी दिएका छन । खाना वितरण बौद्ध, जोरपाटी, गोठाटार, नारायणटार आसपासका भोका र निम्न बर्गलाइ समेट्न जम्बु डाँडा पुल नजिकै को खुल्ला ठाउमा सामाजिक दुरि कायम गरेर वितरण गर्ने र त्यसपछी खाना प्याक गरेर गाडीमा राखेर ठूलो चोकहरुमा वितरणको लागी लैजाने जानकारी चिठी खबरलाइ संघको उपमहासचिव मुकेश प्रसाद कुशवाहाले दिएका छन ।
फेसबुकबाट तपाईको प्रतिक्रिया