काठमाडौंको वौद्धस्थित ८ महिलासहित २८ जना जुवा खेलिरपहेको स्थानबाट पक्राउ

काठमाडौं २३ असार। काठमाडौं वौद्ध स्थित जुवा खेलिरहेकाे स्थानबाट आठ महिला सहित २८ जना रंगेहात पक्राउ परेका छन् । काठमाडौं महानगरपालिका वडा न.६ बौद्ध सिमलटार स्थित वाङचु शेर्पाको साढे तिन तले घरको भुई तलाबाट महानगरीय प्रहरी परिसर टेकुबाट खटिएको प्रहरी टोलीले उनीहरुलाई पक्राउ गरेको हो । जुवाडेहरुले जुवा खेलिरहेको ठाउँबाट प्रहरीले १४ लाख ५९ हजार ९ सय नगद नेपाली रुपैयाँ, ११ हजार ४ सय भारतीय रुपैयाँ, एकलाख को १ थान चेक र ६० हजार अर्काे एक थान चेक बरामद गरेको छ । यस्तै, ३० थान कौडा, १३ थान खेल्दै गरेको तास बुक समेत प्रहरीले बरामद गरेको छ । महानगरका प्रहरी उपरिक्षक रमेश कुमार वस्नेतका अनुसार प्रहरी परिसर टेकुले पाएको बिशेष सुचनाका आधारमा खटिएको प्रहरी टोलीले उनीहरुलाई पक्राउ गरेको हो ।